Back Nikolaas van Mira Afrikaans Sant Nicolau de Bari AN القديس نقولا Arabic القديس نقولا ARZ Nicolás de Bari AST Müqəddəs Nikolay Azerbaijani Nikolaus vo Myra BAR Мікалай Цудатворац Byelorussian Мікола Цудатворца BE-X-OLD Николай Чудотворец Bulgarian
Dr Nikolaus vo Myra (altgriech. Νικόλαος Μυριώτης, Nikolaos Myriotes; * zwüsche 270 und 286 z Patara; † 6. Dezember 326, 345, 351 oder 365[1]) isch aine vo de bekanntiste Heilige vo de Ostchile und de latinische Chile. Sin Gedänktag, de 6. Dezember, wird im gsamte Christetum mit verschidnige Brüüch gfiired; lueg öppe Samichlaus und Chlausjage.
De Nikolaus isch jung zum Priester gwait worde und spöter Bischof z Myra in Lykie gsii. Das lit in Chliiasie, i de hüttige Türkei, wo doozmol vo Grieche besidled und en Tail vom römische, spöter vom byzantinische Riich gsii isch. De Nikolaus söll sis Vermöge, won er gerbt hät, under de Arme vertailt und lut de Legände, e paar Wunder bewirkt ha. Er isch noch sim Tod i de Chile z Myra biigsetzt worde.
Im Johr 1087 sölled italienischi Kauflüt, churz vor de Eroberig dur d Seldschuke vo de Stadt Myra, wo hüt Demre haisst, de Sarkophag i de St.-Nikolaus-Chile ufbroche und d Gebai vom hailige Nikolaus use gno ha. Si heged die Reliquie dänn i ihri Haimet uf Bari öberfüert, wo si hüt no in ere äxtra dodefür baute Chile verehrt wärded.
- ↑ Unterschidlechi Aagobe för Geburts- und Stärbejohr je noch Quälle